ເມື່ອບໍ່ດົນມານີ້, ຫ້ອງວ່າການປົກຄອງເມືອງໄຊບູລີ ແຂວງສະຫວັນນະເຂດ ຈັດກອງປະຊຸມຕົກລົງຄົ້ນຄວ້າ ປະຫວັດຄວາມເປັນມາຂອງເມືອງໄຊບູລີ, ພ້ອມທັງຜ່ານຂໍ້ຕົກລົງຂອງທ່ານເຈົ້າເມືອງໄຊບູລີ ວ່າດ້ວຍການແຕ່ງຕັ້ງ ຄະນະ ກໍາມະການຄົ້ນຄວ້າປະຫວັດຄວາມເປັນມາຂອງເມືອງ.
ທ່ານ ແກ້ວດວງຕາ ອິນທະວົງ ຫົວໜ້າຫ້ອງການຖະແຫລງຂ່າວ, ວັດທະນະທຳ ແລະ ທ່ອງທ່ຽວເມືອງໄຊບູລີ ໄດ້ໃຫ້ຮູ້ກ່ຽວກັບຂໍ້ມູນທົ່ວໄປ, ປະຫວັດຄວາມເປັນມາຂອງເມືອງໄຊບູລີ, ຈຸດພິເສດ, ທີ່ຕັ້ງຂອບເຂດດິນແດນ, ກ່ອນ ແລະ ຫລັງການສ້າງຕັ້ງເປັນເມືອງ ໃນປັດຈຸບັນ, ທາງດ້ານຮີດຄອງປະເພນີ, ໄລຍະການປົກຄອງຂອງອາເມລິກາ ເຊິ່ງມາໃນ ປີ 1961 ໄດ້ຖືກປະກາດສ້າງຕັ້ງເມືອງຂຶ້ນ ໂດຍໃສ່ຊື່ເມືອງວ່າ ເມືອງສາລະພູມ (ບ້ານນາແດງ) ໂດຍແມ່ນຍາຫລວງ ສັງກາ ເປັນ ເຈົ້າເມືອງຄົນທໍາອິດ, ຫລັງການສ້າງຕັ້ງລະບອບສາທາລະນະລັດ ປະຊາທິປະໄຕ ປະຊາຊົນລາວ ກໍຄື ວັນທີ 12 ກໍລະກົດ 1987 ໄດ້ປະກາດສ້າງຕັ້ງເປັນເມືອງໄຊບູລີ ຂຶ້ນຢູ່ທີ່ທ່າເຮືອແກ້ງກະເບົາ ບ້ານແກ້ງກະເບົາ ຈາກນັ້ນ ກໍໄດ້ຍ້າຍສໍານັກງານປົກຄອງເມືອງຈາກບ້ານແກ້ງກະເບົາ ມາຕັ້ງຢູ່ບ້ານເຄືອເຂົາກາດ ໃນວັນທີ 13 ເມສາ 2009 ຈົນເຖິງປັດຈຸບັນ ສະໄໝກ່ອນຢຸບ ແລະ ລຶບລ້າງຂັ້ນຕາແສງ.
ຈາກນັ້ນ, ຜູ້ເຂົ້າຮ່ວມກອງປະຊຸມ ກໍໄດ້ຜັດປ່ຽນກັນປະກອບຄໍາຄິດຄໍາເພີ່ມເຕີມ ບ່ອນທີ່ຍັງບໍ່ທັນຄົບຖ້ວນ ທັງນີ້ ກໍເພື່ອເຮັດໃຫ້ປະຫວັດຄວາມເປັນມາ ຂອງເມືອງໄຊບູລີ ມີຄວາມສົມບູນ ແລະ ມີຄວາມລະອຽດຂຶ້ນກວ່າເກົ່າ.
ຂໍຂອບໃຈ
ຂໍ້ມູນ : ຂ່າວສານປະເທດລາວ
ไม่มีความคิดเห็น:
แสดงความคิดเห็น